Viðhorfskönnun
Húnavalla- og Vindheimaleið
Sú könnun sem hér er sett fram er unnin af fyrirtækinu Envalys fyrir Samgöngufélagið sumarið 2024.
Tilgangur könnunarinnar er:
- Kynna mögulegar nýjar veglínur og styttri akleið fyrir umferð milli Reykjavíkur og Akureyrar (milli suður- og vesturhluta landsins og Norðausturlands) svonefnda Húnavallaleið í Húnabyggð sunnan Blönduóss og svonefnda Vindheimaleið í Skagafirði sunnan Varmahlíðar.
- Fá fram afstöðu þátttakenda til gerðar vega þessar leiðir eftir atvikum gegn greiðslu veggjalds til að fjármagna gerð veganna.
Allir 16 ára og eldri sem skráðir eru í þjóðskrá geta tekið þátt í könnuninni en skrá þarf sig í gegn um island.is á svæði hennar til að tryggja að hver og einn geti tekið þátt aðeins einu sinni. Þátttaka getur verið hvort heldur sem er undir nafni eða nafnlaust.
Miðað er við að fyrstu niðurstöður verði birtar að liðnum tveimur vikum frá upphafi könnunarinnar en hún verði höfð opin í allt að sex mánuði og jafnvel lengur ef henta þykir og staðan birt af og til.
Hér að neðan má sjá þrjú tölvugerð myndbönd sem sýna þá vegi sem um ræðir í raunumhverfi.